Francisco Regueiro (Valladolid, 1934)

Hamar pelikula egin zituen hogeita hamar urtean, eta azken hogei urteetan ez du ezer zuzendu. Datu horiek nahikoa argiak dira, huts egiteko aukera handirik gabe esan ahal izateko Regueiroren ibilbidea ez dela batere erosoa eta gozoa izan.

EOCen (Zinema Eskola Ofiziala) ikasi zuen, eta, industrian sartzeko zailtasunez betetako urte asko igaro ostean, bere belaunaldiak, beste askok ez bezala, aukera izan zuen ia oso-osorik industrian sartzeko, García Escuderoren legedi protekzionistari esker. Regueirori dagokionez, zinema espainiar berria deitzen zenaren barruan sartu zuten, mesetako alderdian. Baina Regueiro valladolidtarra etiketatzea ez da erraza, eta taldeen barruan diluituta ere ez da eroso sentitzen; hori dela-eta, futbol-jokalari, karikatura-egile eta margolari honen ibilbideak gero eta berezitasun handiagoa hartu zuen, eta, zuzendari gisa egin zuen lanari erreparatuta, esan dezakegu «ezohiko» eta «bitxi» adjektiboak guztiz bat datozela bere zinemarekin; hala ere, gogoratu behar da bere obrak zenbait fase izan zituela, batzuetan kontraesankorrak ere bai, zinegile gisa heldutasun handiena lortu zuen garaiarekin bat etorriz; hau da, bere azken garaiarekin bat etorriz, Angel Fernández Santosek berarekin lan egiten zuenean gidoilari gisa.

Gaur egun, maiz aurkitzen dira esatekorik ezer ez duten zinegileak, eta, hala ere, zinema egiten jarraitzen dutenak. Ez zen hala gertatu Regueirorekin; izan ere, beti dirudi bere obrak –beharbada oso urria delako– sorpresaren bat eman diezagukeela.

Antonio Castro

Babeslea METRO BILBAO

10|10|08 -etik 10|11|20-rarteko proiekzioa

Aste honetarkao proiekzio kronogranma:

Horrela, gure ikusleei aukera eskaini die zazpigarren arteko maisulan ugari ikusteko. Izan ere, programazioa egonkorra da, eta Museoaren auditorioan eskaintzen da ostiral eta larunbatetan, bi saiotan.

Emanaldia behin hasita, debekatzen da zinegelan sartzea.

Informazio gehiagorako, deskargatu hemen egitaraua.