Jørgen Lethen zinemaren ezaugarri nagusiak sinpletasun formala eta narratibotasun eza dira. Bronislaw Malinowskiren etnografiaren ikuspegi bakuna aldarrikatuz, Jørgen Lethek metodologia zorrotza aplikatzen du, eta, modu horretan, ohar-koadernoa funtsezko euskarri bihurtzen da. Asmo pedagogiko edo dibulgatiborik gabe, eta prozesu osoan erabateko konfiantza izanik, ustekabekoetarako prest dagoen kamera sentikor baina ez inteligentearen alde egiten du. Hori horrela, zoria da bere zinematografiako elementu nagusietako bat. Lethentzat, pelikulak elkarren segidan jarritako irudi sortak baino ez dira; pelikula bakoitza irudirik desiratuenarekin hasten da, eta errealizadoreak irudi nahikoa daudela uste duenean, orduantxe amaitzen da filma.

Atzera begirako honetan, besteak beste, Life in Denmark eta Notes on Love filmak egongo dira ikusgai; bertan, zinegile daniarrak bere gizartearekiko distantzia antropologikoa hartzen du, plano finkoak bata bestearen atzetik kateatuz. 66 scenes from America lanean, Lethek baliabide formal bera erabiltzen du, lehendik ere agertzen zena The Perfect Human film laburrean. Hain zuzen ere, aipatutako azken film horrekin, hasiera eman zion The Five Obstructions lanean Lars Von Trierrekin batera egindako ariketa esperimentalari. Dokumentalen ildotik, nabarmentzeko modukoak dira Notebook from China edo Pelota filmak, biak ala biak ZINEBI Sari Nagusia irabazitakoak, bai eta A Sunday in Hell ere, non zuzendari daniarrak txirrindularitzari buruzko ikuspegi berezia ematen baitu, hori da-eta bere pasio nagusia. Eta ezin aipatu gabe utzi Moments of play, edo Haiti Untitled, Haitiko gizartearen erretratua, Jørgen bertan bizi izan baita denbora luzez. Atzera begirako honetako fikziozko pelikula bakarra ere, Traberg alegia, Haitin gertatzen da, eta, bertan, 80ko Bilboko eszenak ere agertzen dira, filma bertan hasten da eta.

Olatz González Abrisketa

Babeslea METRO BILBAO

10|08|13 -etik 10|10|01-rarteko proiekzioa

Aste honetarkao proiekzio kronogranma:

Horrela, gure ikusleei aukera eskaini die zazpigarren arteko maisulan ugari ikusteko. Izan ere, programazioa egonkorra da, eta Museoaren auditorioan eskaintzen da ostiral eta larunbatetan, bi saiotan.

Emanaldia behin hasita, debekatzen da zinegelan sartzea.

Informazio gehiagorako, deskargatu hemen egitaraua.