Bilboko Arte Ederren Museoko eskola-programek erantzun zabala ematen diete Hezkuntza Sistemako maila guztiei, eta, artelanen aurrean, elkarrizketa eta hausnarketa ahalbidetzen duen hezkuntza-tresna gisa agertzen dira, bai eta ikasleen artean trebetasun sozialak eta ezagutza garatzeko bitarteko gisa ere.

Programetako batzuetan, ikasleak museoko hezitzaile batekin joaten dira, eta, beste batzuetan, irakasleak berak gidatzen du ikasleen bisita. Aipatutako azken kasu hori zenbait programatan ematen da: Museoa Deskubritu, Kontaktuko Ibilbidea, Hastapen Ibilbidea, Oinarrizko Ibilbidea eta Antzinako Pintura.

Beste alde batetik, ikusmen-urritasuna duten ikasleei eta beren ikaskideei zuzendutako Tailer-bisita programak ikasleen mailaren araberako ibilbide egokitua dauka, bai eta ukimenean eta esperimentazio haptikoan oinarritutako espazio bat ere.

  • Programa guztiek BBK Fundazioaren babesa dute, eta doakoak dira.
  • Irakasleek edozein gai proposatu dezakete, berau lantzeko, eta Saileko profesionalak martxan jarriko dira.
  • Bisitak euskaraz, gaztelaniaz eta, batez ere, ingelesez egin daitezke.
  • Aldian-aldian, irakasleentzako prestakuntza-saioak antolatzen dira; bertan, aukeratutako jarduerari buruzko informazioa eta dokumentazioa eskaintzen da, eta, taldearen gidaria irakaslea izango bada, bisita modu egokian egiteko ildoak eta metodologiak eskaintzen dira.

Edozein zalantza argitzeko, informazioa eskatzeko edo erreserbak egiteko, deitu 94 439 61 41 telefono zenbakira.



Haur eta Lehen Hezkuntza

  • Koloretako museoa

    Ez dago museoa baino leku hoberik, Haur Hezkuntzako eta Lehen Hezkuntzako lehenengo zikloko ikasleek koloreekin harreman zuzena izan eta esperimentatu dezaten. Gainera, gauza gutxiren bitartez bideratu daitezke ideiak, emozioak eta sentimenduak, kolorearekin bezain modu atsegin eta naturalean.

    Informazio gehiago, materialen ikuskatzea eta deskarga

  • Animaliak Museoan

    Museoko koadroetan, uste duguna baino askoz ere animalia gehiago bizi dira. Abentura honetan, zaldiak, katuak, loroak eta beste asko aurkituko ditugu, eta Haur Hezkuntzako eta Lehen Hezkuntzako lehenengo zikloko ikasleek animaliekin duten harremanari buruz egin ahal izango dute berba, bai eta animaliek dituzten erabilerak aipatu ere.

    Informazio gehiago, materialen ikuskatzea eta deskarga

  • Kontaktu Ibilbidea

    Koloreetatik egindako bidaia atsegin eta parte-hartzailea da, Lehen Hezkuntzako bigarren eta hirugarren zikloetako ikasleei zuzendutako koadroen aukeraketa bat erabiliz. Artearen munduarekiko sentsibilizazioa piztea eta ikusten dutena interpretatzera animatzea dira helburuetako batzuk.

    Informazio gehiago, materialen ikuskatzea eta deskarga

  • Ura Museoan

    CEIDAren menpeko Eskola Agenda 21 programari lotutako ibilbidea da, eta ingurumenaren eta garapen iraunkorraren heziketa hobetzeko asmoz sortu da. Lehen Hezkuntzako bigarren eta hirugarren zikloetako ikasleek urak gure bizitzan daukan presentzia eta garrantzia ikusi ahal izango dute, Museoko hezitzaile batekin gure bildumako lanik nagusienetatik egingo duten bisita azalduari esker.

DBH eta Batxilergo

  • Sarrera Ibilbidea

    Hizkera sinple eta motibatzailea erabiliz, Derrigorrezko Bigarren Hezkuntzako ikasleei artelanen azterketa formala egiteko aukera ematen zaie. Bisita honetan zenbait arlo sustatzen dira; besteak beste, artelanei buruzko solasa sustatzea, ikasteko baliabide gisa; eta beste arte-museo batera eramateko moduko esperientzia eskaintzea.

    Informazio gehiago, materialen ikuskatzea eta deskarga

  • Hondakinak

    CEIDAren menpeko Eskola Agenda 21 programari lotutako ibilbidea da, eta ingurumenaren eta garapen iraunkorraren heziketa hobetzeko asmoz sortu da. DBH eta Batxilergoko ikasleek materialen berrerabilpenari buruz hausnartzeko eta eztabaidatzeko aukera izango dute; hain zuzen ere, erabilera jakin baterako sortutako material asko artean zelan berrerabili daitezkeen aztertuko dute, bai eta berrerabilitako material horiek Museoko artelan batzuetan eman dituzten emaitzak ere.

Babeslea • Patrocinador • Sponsor

  • Logotipo de BBK
Búsqueda en el sitio
Hezkuntza Hezkuntza proiektua

Museoko Hezkuntza eta Kultur Ekintza Sailak (HKES) adin eta interes mota askotako jendeari zuzendutako jarduerak eta programak jartzen ditu abian. Ekimen horien helburu nagusia museoaren bilduma iraunkorra eta aldi baterako erakusketak hobeto ezagutzea da, bai eta horietaz gozatzea ere.

Gure ezagutzak museoetako hezkuntza-esparruetako beste profesional batzuekin konpartitzen ditugu, eta gure hezkuntza-proiektuan parte hartzen duen jendearen ekarpenak jasotzen ditugu. Azken helburua Museoaren eta interes partikularren arteko bitartekaritza egokia lortzea da. Modu horretan sortuko liratekeen proposamenei esker, Museoa ezagutzarako eta ikasketarako esperientzia baliagarriak sorraraziko lituzkeen lekua izango litzateke.