Bilduma iraunkorraz gain, Bilboko Arte Ederren Museoak aldi baterako erakusketez osatutako egitarau garrantzitsua proposatzen du, modu erregularrean.

Kontsultatu erakusketen egitaraua, museoaren proposamen berriei buruzko informazioa lortzeko.

, de

Pérez Villaamil

Gonbidatua

16 Aretoa

12|01|10 • 12|04|08

Mihise bi hauek, pintura erromantiko espainiarreko margolaririk garrantzitsuenak pintatutakoak, bikotetzat hartzen dira, dituzten neurriengatik zein urte berean datatuta egoteagatik, biak baitira 1835ekoak (José Luis Díez 2005). Bietan ala bietan, Villaamilek Sevillako katedralaren kanpoaldeari eta barrualdeari buruzko ikuspegi berezia ematen du; hain zuzen ere, Sevillako katedrala kristautasunaren tenplu gotikorik enblematikoenetakoa da. Agerikoa da David Roberts (1796-1864) paisaia-egile eskoziarraren eragina. Villaamilek 1833an ezagutu zuen Sevillan, eta, geroztik, erromantizismo britainiarrarekin erlazionatutako estilo berriarekiko interesa helarazi zion.


Sevillako katedrala, harmailen aldetik lanak eraikinaren mendebaldeko fatxada erakusten du. Lehen planoan, Bataioaren atea ikus daiteke, Bataiotegiaren atea izenarekin ere ezagutzen dena, 1449an eraikia eta Lorenzo Mercadantek 1464 eta 1467. urteen artean egindako terrakotazko eskultura zoragarriekin apaindua. Atzeraxeago, bigarren planoan, Jasokundearen portada neogotikoaren zati bat ikus daiteke. Konposizioa animatuz, elkarrekin hizketan ari diren edo kalean dabiltzan figura herrikoi pintoreskoak agertzen dira. Gainera, figura horiek hoztasuna kentzen diote arkitektura izugarriari, zeina Villaamil betiko zehaztasun topografikoarekin baitago deskribatuta, xehetasun guzti-guztiekin. Interesgarriak dira lortzen dituen argi-efektuak; izan ere, eguzkiaren argiz beteta dagoen Bataioaren portadako argitasunak kontrastea egiten du parean dagoen atal ilunagoarekin. Beharbada gehiegizkoa izan zen garbiketa batek sepia koloreko lausoduretako batzuk eraman ditu (oso ohikoak ziren margolari honen teknikan), baina, zorionez, horrek ez du margoaren kalitatea murriztu.


Gorpuzti-eguneko prozesioa, Sevillako katedralaren barruan lanak agerian uzten du Villaamilek elizen barrualdeak islatzeko zuen gaitasun bikaina; izan ere, hemen ikusten den moduan, misterioz betetako atmosfera lurruntsua ematen die. Eszena Gorpuzti-egunean gertatzen da, hirian ospatzen den jairik ikusgarri eta sustraituenetakoan. Erdian, koruaren atzean eta gurutzadurako beirateetako argiekin nabarmen argiztatuta, Guztiz Santua gordetzeko instalatutako luxuzko monumentua dago. Ezkerrean, Juan de Arferen (1535-1603) zilarrezko ekisaindua nabarmentzen da, 1580 eta 1587. urteen artean egindakoa eta benetan duena baino askoz ere eskala handiagoan pintatutakoa. Horren aurrean, zeremoniak iraun bitartean dantzan egiten duten seikoak daude, euren arropa bereziekin jantzita. Ilunetan, alde bietan, mota guztietako pertsonaiak pilatzen dira, tenpluko zutabeak inguratzen dituzten bi talde konpaktutan. Nabearen zoruan, “AQUÍ YACE CRISTOBAL COLON” (“Hemen datza Cristobal Colón”) irakur daiteke. Konposizio hau egiteko, Villaamil oso antzekoa zen margo batean inspiratu zen; David Roberts maisuaren lan batean, hain zuzen ere. Zenbait urte geroago, 1838an, berriro irudikatu zuen Sevillako tenpluaren barrualdea ikuspuntu honetatik bertatik. Mihise hori Madrilgo Erromantizismoaren Museo Nazionalean dago gordeta.



Jenaro Pérez Villaamil
Sevillako katedrala, harmailen aldetik, 1835. Olioa mihisean. 100 x 72 cm
Gorpuzti-eguneko prozesioa, Sevillako katedralaren barruan, 1835. Olioa mihisean. 100 x 72 cm
Santander bilduma, Madril

Babeslea • Patrocinador • Sponsor

  • Logotipo de Banco Santander Fundazioa
Búsqueda en el sitio

  • OTS 13

    Anselmo Guinea (1855-1906)

    12|02|13 • 12|05|20

    Bilboko Arte Ederren Museoak Anselmo Guinea (1855–1906) margolari bilbotarrari eskainitako lehenengo erakusketa monografikoa a...

  • OTS 27

    Maleta mexikarra

    12|02|27 • 12|06|10

    1995ean, Mexiko Hirian 165 argazki-film zituzten hiru kutxa agertu ziren; horietan, balio dokumental izugarriko ia 4.500 argazki zeu...

  • API 17

    OBRA GONBIDATUA

    Haritza elurretan

    12|04|17 • 12|07|08

    Caspar David Friedrich bere jaioterrian hasi zen artean trebatzen, Greifswalden (garai hartan, Suedia zen), unibertsitateko marrazke...

Ikusi oraingo erakusketa guztiak

  • EKA 11

    Goya. Asmatutako estanpak

    12|06|11 • 12|09|23

    Erakusketak Francisco de Goyaren (Fuendetodos, Zaragoza, 1746–Bordele, Frantzia, 1828) erreferentziazko lau grabatu-serie erakutsiko d...

  • URR 08

    Botero

    12|10|08 • 13|01|20

    Fernando Botero (Medellín, Kolonbia, 1932) margolari, marrazkilari eta eskultorea jardunean den artista latinoamerikarrik ezagunena d...

Ikusi hurrengo erakusketak guztiak

  • URT 10

    OBRA GONBIDATUA

    Pérez Villaamil

    12|01|10 • 12|04|08

    Mihise bi hauek, pintura erromantiko espainiarreko margolaririk garrantzitsuenak pintatutakoak, bikotetzat hartzen dira, dituzten ne...

  • URR 10

    Antonio López

    11|10|10 • 12|01|29

    Antonio López (Tomelloso, 1936) ‘errealismo madrildarra’ deitutako mugimenduari lotuta egon zen, eta Gerra Zibila...

  • IRA 27

    OBRA GONBIDATUA

    Sefer Hechaloth

    11|09|27 • 12|01|08

    Anselm Kiefer (Donaueschingen, 1945) nazioartean osperik handiena duen artista alemaniarra da. Bere lana kultua eta konplexua da, et...

Ikusi aurreko erakusketa guztiak