Bilduma iraunkorraz gain, Bilboko Arte Ederren Museoak aldi baterako erakusketez osatutako egitarau garrantzitsua proposatzen du, modu erregularrean.

Kontsultatu erakusketen egitaraua, museoaren proposamen berriei buruzko informazioa lortzeko.

Schommer. Atzera begirakoa 1952-2009, de

Schommer. Atzera begirakoa 1952-2009

BBK Gela

10|02|08 • 10|05|16

Erakusketa honek Alberto Schommer (Vitoria-Gasteiz, 1928) argazkilariaren figura eta ibilbide luzea aztertzen ditu. Schommer azken hamarkadetako sorkuntza espainiarreko argazkilaririk aipagarrienetakoa da, eta bere garaiko korronte artistikoetan gehien sartu denetako bat. Pintura arloko hasierako dedikaziotik, Schommerrek jatorri ugariko eraginak ezagutu eta jaso zituen; besteak beste, Benjamín Palenciaren paisaia postkubistak, surrealismoa, Antonio Lópezen natura hil errealistak, informalismoa edo hirurogeiko hamarkadako abangoardia esperimentala. Hain zuzen ere, Schommer Espainiako argazkilaririk ezagunenetakoa bada, erretratuaren generoagatik da. Duela ia berrogei urtetik hona, hainbat erretratu argitaratu ditu komunikabide ugaritan, eta, bertan, boterea, ekonomia eta kultura eszenifikatu ditu; modu horretan, Espainiako azken urteotako historiari buruzko friso zabala osatu du.

Atzera begirako sekulako erakusketa honetarako hautatutako ehun lan baino gehiagoko sortaren artean, besteak beste, vintages lanak eta lehen garaiko kopia modernoak daude, bai eta zenbait sailetako argazkiak ere (Paisaia beltzak, Maskarak edo Kaskografiak sailetakoak, besteak beste). Lan horien bitartez, Schommerrek 1978tik gaur egunera arte argitaratu dituen liburuak errepasatzen dira. Erakusketaren azken atalean, fotomuntaiak eta pieza bolumetrikoak egongo dira ikusgai. Erakusketa hiru ataletan banatuta dago —Hasierako garaia, Paisaiak eta hiriko eszenatokiak, eta Esperimentazioa eta eszenaratzea—, eta komisarioa Schommerren lanean aditua eta argazkigintzaren teorikoa den Alejandro Castellote izan da.

Schommerren lana herrialde askotan erakutsi izan da, eta nazioarteko panoramako aldizkaririk ospetsuenek ere argitaratu dituzte bere argazkiak. Bere ibilbide profesional luzean, hainbat eta hainbat sari jaso izan ditu, eta mundutik zehar egin dituen bidaiei buruzko erreportajeen berri ematen duten hirurogeita hamar liburutik gora argitaratu ditu. 1996an, San Fernandoko Arte Ederretako Akademian sartu zen, eta, joan den 2009an, Kultura Ministerioak Arte Ederretako Merituaren Urrezko Domina eman dio.Berrogeita hamarreko hamarkadan argazkigintza espainiarreko mugimendu berritzaileekin izan zuen harremanetik, Schommerren ibilbide luzea erronka formalez beteta egon da, Irving Penn eta William Kleinen hasierako lanaren eraginpean; izan ere, argazkigintzaren izaera artistikoa defendatu nahi izan du beti. Bere erreportaje, natura hil, paisaia, erretratu eta kaskografiak Espainiako memoria bisualaren eta argazkigintzaren historiaren parte dira dagoeneko.



Irudian:
Bodegón (zatia), 1961
Argazki zuri-beltzean
57,7 x 42,3 cm

Babeslea • Patrocinador • Sponsor

  • Logotipo de BBK
Búsqueda en el sitio

  • URT 10

    OBRA GONBIDATUA

    Obra Gonbidatua Programa

    12|01|10 • 13|01|06

    Obra Gonbidatua programa 2001. urtean abiarazi zen, beste erakunde batzuek utzitako lanak denbora baterako erakusteko, museoaren bil...

  • URT 10

    OBRA GONBIDATUA

    Gonbidatua

    12|01|10 • 12|04|08

    Jenaro Pérez Villaamil Sevillako katedrala, harmailen aldetik, 1835. Olioa mihisean. 100 x 72 cm Gorpuzti-eguneko prozesioa...

Ikusi oraingo erakusketa guztiak

  • OTS 13

    Anselmo Guinea (1855-1906)

    12|02|13 • 12|05|20

    Bilboko Arte Ederren Museoak Anselmo Guinea (1855–1906) margolari bilbotarrari eskainitako lehenengo erakusketa monografikoa aurkezten...

  • OTS 27

    Maleta mexikarra

    12|02|27 • 12|06|10

    Erakusketak lehen aldiz erakusten ditu Robert Capak (Budapest, 1913–Tyhai Binh, Indotxina, 1954), David Seymour “Chim”-ek ...

  • MAI 07

    José Ramón Anda

    12|05|07 • 12|09|09

    Erakusketak José Ramón Anda (Bakaiku, 1949) eskultore nafarraren pieza berrienen aukeraketa bat biltzen du. Hogeita hamar bat eskultura dira...

Ikusi hurrengo erakusketak guztiak

  • URR 10

    Antonio López

    11|10|10 • 12|01|29

    Antonio López (Tomelloso, 1936) ‘errealismo madrildarra’ deitutako mugimenduari lotuta egon zen, eta Gerra Zibila...

  • IRA 27

    OBRA GONBIDATUA

    Sefer Hechaloth

    11|09|27 • 12|01|08

    Anselm Kiefer (Donaueschingen, 1945) nazioartean osperik handiena duen artista alemaniarra da. Bere lana kultua eta konplexua da, et...

  • URR 17

    New Topographics

    11|10|17 • 12|01|08

    1975ean, New Yorkeko George Eastman House delakoak New Topographics: Photographs of a Man-Altered Landscape erakusketa antolatu zuen...

Ikusi aurreko erakusketa guztiak