X

Webgune honetan, gure eta hirugarrenen cookieak erabiltzen ditugu, zure nabigazioari buruzko informazio estatistikoa biltzeko. Nabigatzen jarraitzen baduzu, euren erabilera onartzen duzula ulertuko dugu. Nahi izanez gero, lehentasunak alda ditzakezu edo informazio gehiago jaso ahal duzu. Ados nago

Taldea

Fotografía del museo

Antolakuntzako Egitura

Zuzendaritza

Zuzendariari fundazioaren kudeaketa arrunta dagokio, besteak beste, pertsonalaren goi-mailako eta zuzeneko burutza betetzeko eta jarduera-plana eta urteko aurrekontua proposatzeko eginkizunak direla nabarmentzekoak; hala, alde ekonomikotik, fundazioaren ustiapen normal eta egokia lortzera zuzendutako proposamenak kudeatzeko, aztertzeko eta halakoei ekiteko jarduerak aurrera eraman behar ditu.

Jardueren Zuzendariordetza

Egun, postu hori bete gabe dago, eta zuzendariaren ardurapen dago zuzenean; horretarako, Zuzendaritzako koordinatzailearen laguntza da. Ondoren azaltzen ditugun sailen kudeaketa eta koordinazioa ditu bere gain:

Artxiboa

Haren helburua da museoak sortzen dituen administrazio- eta agiri-funtsak biltzea, gordetzea, sailkatzea, eta halakoen zabalkundea egitea; eginkizun bera du, halaber, funts historikoari dagokionez (aktak, gutunak, argazkiak, txostenak…).

Ikus-Entzunezkoak

Museoko jardueren ikus-entzunezko beharrizanei erantzuten die, besteak beste: proiekzioak, prentsaurrekoak, hitzaldiak eta ekitaldiak. Era berean, argazkiak eta bideoak egiten ditu artxiborako eta/edo prentsan, webgunean eta sare sozialetan zabaltzeko.

Liburutegia

Museoaren funts bibliografikoa kudeatzeko eta publikoaren zein ikertzaileen eskura jartzeko ardura du. ARTEDER Euskal Artearen Datu-basea kudeatzen du: proiektu propio bat da, museoak duen helburu orokor bat betetzeko ildotik doana, alegia, euskal artearen ikerketa eta zabalkundea sustatzea.

Bildumak

Haren helburua da museoaren arte-funtsa kudeatzea eta haren bilduma ezagutarazten eta zabaltzen laguntzea. Honako ardura hauek ditu: agirien eta argazkien artxiboa, bildumako lanen erregistroa eta inbentarioa, lanen mugimenduen kontrola, eta museoko aldi baterako erakusketatarako maileguen kudeaketa.

Kontserbazio eta Zaharberritzeak

Esleitua duen helburua da bildumako artelanen nahiz museoak barne hartutako kultura-ondare ororen kontserbazioa eta, hala dagokionean, zaharberritzea. Horrez gain, artelanen azterketan laguntzen du, bai eta publikoaren zein zientzialarien artean zabaltzen ere.

Hezkuntza

Jarduera eta programa didaktikoak aurrera eramaten dihardu, museoaren bilduma iraunkorra nahiz aldi baterako erakusketak ahalik eta publiko zabalenenak ezagutu eta gozatzeko helburu nagusiarekin.

Erakusketak

Museoko aldi baterako erakusketen programa kudeatzeaz arduratzen da: erakusketak definitzea; lankidetza-hitzarmenak taxutzea; maileguak, aseguruak eta garraioak koordinatzea; komisariotza koordinatzea; agirien kudeaketa; kudeaketa ekonomikoa, eta muntaiaren koordinazio teknikoa.

Administrazio eta Finantzen Zuzendariordetza

Arlo honen helburua da museoaren baliabide ekonomikoak kontrolatzea, finantzazko egonkortasuna eta aurrekontuaren oreka lortzeko helburuarekin, diru-sarrerak kontrolatuz eta funtzionamendu egokirako behar diren gastuak optimizatuz. Kontabilitatearen, zergen nahiz legearen aldetik dauden betebeharrak ezarritako epeetan betetzen direla bermatzeaz arduratzen da. Horrez gain, aurrekontuari, kontabilitateari eta funtsen administrazioari loturiko prozesuen administrazio finantzarioa aurrera eramateko prozedurak abiaraztea du bere gain, bai eta museoko denda-zerbitzua ere.

Denda

Museoaren autofinantzaketan laguntzeko helburua du; horretarako, artean espezializaturiko argitalpen-funtsa, museoak editaturiko argitalpenak eta bilduma iraunkorraren zein aldi baterako erakusketen merchandising-a jartzen ditu salgai.

Komunikazio Zuzendariordetza

Komunikazio Zuzendariordetzak museoaren balioa eta jarduerak jakinaraztea du xede, Komunikazio Plana zehaztuz eta kudeatuz. Horrez gain, Marketin Planaren bitartez, publikoa eta eragileak erakarri, horien arreta piztu eta fidelizatzeko estrategiak eta museoko ekitaldien programa garatzen ditu. Azkenik, Argitalpen Saila ere kudeatzen du.

Arlo eta sail hauek osatzen dute:

Komunikazio

Haren funtsezko ardurak dira museoaren zein haren jardueren inguruko informazio guztia definitzea eta hedabideei helaraztea, eta museoari buruz argitaratzen den informazioa artxibatzea. Prentsaurrekoak antolatzea, komunikatu eta dosierrak taxutzea eta kazetariei arreta eskaintzea du bere gain. Onlineko komunikazioa ere (webgunea, buletinak, sare sozialak… ) haren lanen artean dago.

Marketina

Honako hauek ditu bere gain: marketin-plana prestatu eta gauzatzea; kide korporatiboen programa kudeatzea; bisitariaren arreta kudeatzea; publikoa erakartzeko estrategiak garatzea, eta ekitaldiak ekarri eta antolatzea. Dituen ardura nagusiak dira, museoaren bisitari eta erabiltzaileei dagokienez, erakartzea, arreta ematea eta gogobetetzea, bai eta bisitari gehiago ekar ditzaketen erakundeekin harreman egonkorrak sortzea ere.

Argitalpenak

Fundazioak editatzen dituen argitalpen guztien diseinua, edizioa eta inprimaketa ditu bere gain. Liburutegi digitalaren kudeaketa, www.museobilbao.com webgunean.

Zerbitzu Orokor eta Giza Baliabideen Zuzendariordetza

Arlo honen helburua da giza baliabideak kudeatzea eta garatzea, bai bertakoak, bai kanpokoak. Lan-arriskuen prebentzioa, praktikak eta bekak. Halaber, fundazioaren zerbitzu orokorrak kudeatzen ditu, alegia, barne-zerbitzuak, mantentze-lanak, argiztapena eta sistemak, eta segurtasuna.

Argiztapena eta Sistemak

Haren helburua da prebentzioko eta konponketako mantentze-lanak egitea klimatizazio-instalazioetan eta argiztapen orokorreko sistemetan, bilduma iraunkorraren zein aldi baterako erakusketa guztien argiztapen egokia barne.

Segurtasuna

Arloak museoaren segurtasuna du helburutzat, prebentzioari dagokionez, batik bat. Segurtasunaren eta aretoko laguntzaileen zerbitzu esternalizatuak, eraikinean integraturiko segurtasun-sistema guztiak mantentzeko lanak eta su-itzaltzeko baliabideak ditu ardurapean.

Barne Zerbitzuak

Helburu hauek ditu: eraikinean prebentzioko eta konponketako mantentze-lanak egitea; erakusketak muntatzea eta desmuntatzea, eta, oro har, museo barnean behar diren zerbitzu guztiak ematea. Horrez gain, sistema informatikoa mantentzeko lanak ditu bere gain, sareak ahalik eta ongiena funtzionatzeko eta sarearen fidagarritasuna, baliagarritasuna eta pribatutasuna lortzeko helburuekin. Garbiketaren, telefono bidezko arretaren eta harreraren zerbitzuak koordinatzen eta kontrolatzen ditu.

Zuzendariak eta Arduradunak

Zuzendaritza

  • Miguel Zugaza C.V.
  • Director
  • Silvia García
  • Zuzendaritzako koordinatzailea

Jardueren Zuzendariordetza (Zuzendaritzari atxikia gaur egun)

  • Artxiboa
  • Mikel Urizar
  • Artxibo burua
  • Liburutegia
  • Begoña González
  • Liburutegi burua
  • Bildumak
  • Javier Novo
  • Bilduma burua
  • Kontserbazio eta Zaharberritzeak
  • M.ª José Ruiz-Ozaíta
  • Kontserbazio eta Zaharberritze burua
  • Hezkuntza
  • M.ª Victoria Antoñanzas
  • Hezkuntza burua

Administrazio eta Finantzen Zuzendariordetza

  • Administrazio eta Finantzak
  • M.ª Mar Rosales
  • Administrazio eta Finantzen zuzendariordea
  • Denda
  • Onintza Lobo
  • Denda burua

Komunikazio Zuzendariordetza

  • Komunikazio
  • Marta García
  • Komunikazio Zuzendariordea
  • Marketina
  • Teresa Icaza
  • Marketin koordinatzailea
  • Argitalpenak
  • Nerea Sagredo
  • Argitalpen burua

Zerbitzu Orokor eta Giza Baliabideen Zuzendariordetza

  • Zerbitzu Orokor eta Giza Baliabideen
  • José M.ª de Vega
  • Zerbitzu Orokor eta Giza Baliabideen zuzendariordea
  • Argiztapena eta Sistemak
  • Ángel Pascual
  • Argiztapen eta Sistemen arduraduna
  • Segurtasuna
  • Bruno Itxaso
  • Segurtasun arduraduna
  • Barne Zerbitzuak
  • Alberto González
  • Barne Zerbitzu burua