X

Webgune honetan, gure eta hirugarrenen cookieak erabiltzen ditugu, zure nabigazioari buruzko informazio estatistikoa biltzeko. Nabigatzen jarraitzen baduzu, euren erabilera onartzen duzula ulertuko dugu. Nahi izanez gero, lehentasunak alda ditzakezu edo informazio gehiago jaso ahal duzu. Ados nago

Maisulanak

Manten pulsada la imagen para ampliar

Ama Birjina Jesus Haurrarekin  eta San Joan Bataiatzailea, umea

Francisco de Zurbarán

Fuente de Cantos, Badajoz, 1598-Madrid, 1664

Ama Birjina Jesus Haurrarekin eta San Joan Bataiatzailea, umea

Olioa mihisean, 169 x 127 cm

1662

Museoak eskuratua, 1940

Ama Birjina Jesus Haurrarekin eta San Joan Bataiatzailea, umea Zurbaránek pintatu zuen lanik garrantzitsuenetakoa da. Hil baino urte bi lehenago egin zuen, eta, bertan, Madrilen bizi zen garaian bere estiloak zelako bilakaera izan zuen ikusten da. Madrilen, bezero pribatuentzat egiten zuen lan; kontuan izan behar da lehenago, Sevillako lantegi garrantzitsuan, beste modu batean egiten zuela lan, laguntzaileekin. Hemen, Zurbarán modu autografoan agertzen da, eta bere onena ematen du, konposizioaren gozotasunean eta intimitatean, sagarrez eta madariz osatutako peltrezko plateraren natura hilari eskaintzen dion arretan, eta bildotsaren artileen kalitateetan. Modu horretan, natura hilak pintatzeko dohaina duela erakusten du. Beste konposizio batzuetan bezala, Alberto Dureroren estanpen eta, zehazki, Tximinoaren Ama Birjina ospetsuaren erabilera jakintsuari esker, Ama Birjinaren buruaren eta liburuaren gainean duen eskuaren kadentzia konpondu zuen, bai eta Jesus Umearen jarrera ere. Bestetik, margoan argi ikusten da zelako maisutasunera heldu zen egilea, oihalen tolesen tratamenduan edo Ama Birjinaren aurpegiaren leuntasunean. Izan ere, aurpegia sentimendu malenkoniatsuz beteta dago, semearen sufrimendua aurreikustean. [B.N.P.]

Ama Birjina Jesus Haurrarekin eta San Joan Bataiatzailea, umea

Maisulanak