X

Webgune honetan, gure eta hirugarrenen cookieak erabiltzen ditugu, zure nabigazioari buruzko informazio estatistikoa biltzeko. Nabigatzen jarraitzen baduzu, euren erabilera onartzen duzula ulertuko dugu. Nahi izanez gero, lehentasunak alda ditzakezu edo informazio gehiago jaso ahal duzu. Ados nago

Museoko denda

Berria   Beruete, Regoyos y el paisaje en las colecciones de los ingenieros José Entrecanales y Santiago Corral

Erakusketa katalogoak

Beruete, Regoyos y el paisaje en las colecciones de los ingenieros José Entrecanales y Santiago Corral

José Entrecanales (Bilbo, 1899-Madril, 1990) eta Santiago Corral (Santander, 1907-Madril, 1989) bide ingeniariek garrantzi handiko jarduera izan zuten bildumari gisa, lanbide eta enpresa ibilbide ikusgarria osatzeaz gainera. Beren lanbidean lurrak duen garrantziak bultzatuta, neurri handi batean, paisaien pinturarekiko interes bizia izan zuten, eta, interes horri jarraituz, XIX. mendetik XX. mendera bitarteko aldiko espainiar artista ospetsuen obra sorta adierazgarri eta ugaria bildu zuten.

Garai hartan, paisaia izan zen modernitatearen adierazpide nagusia pinturan. Eta, Espainian, herrialdeari buruzko ikuspegi berri bati atxiki zioten joera hura Erregenerazionismoko artistek, haren balio historiko eta kulturalaren jakitun. Artista haien artean, Aureliano de Beruete eta Darío de Regoyos izan ziren erradikalenak eta Europako joera modernoekin lotura estuena izan zutenak. Haiek margotutako kalitate bikaineko koadroek erabateko protagonismoa izan zuten bi bildumetan, eta horrek erakusten du nola asmatu zuten bildumariek bete-betean beren aukeretan, obra sorta honetan ikus daitekeenez.

Orobat eskuratu zituzten Agustín Riancho kantabriarraren eta Francisco Gimeno katalanaren obrak; ibilbide berezia osatu zuten bi artistek natura oso modu independentean adierazteko askatasunari eta berehalakotasunari dagokionez. Azkenik, Santiago Rusiñolen eta Joaquín Sorollaren lanak ere bildu zituzten; bestelako gaiak ere landu arren, aire zabalean lan egin eta paisaia bikainak margotu zituzten biek ala biek. Rusiñolek lotura estuagoa izan zuen sinbolismoarekin; Sorolla, berriz, bere belaunaldiko artista gailena, Beruereten lagun mina zen, eta hark bezain ongi ezagutzen zuen Espainiako geografia askotariko eta aberatsa.

Egilea: Javier Barón ISBN: 978-84-18171-00-0 Argitaratze-data: 10/03/2020 Hizkuntza: Gaztelania Neurriak: 26 x 22,5 zm Koadernaketa: Azal arrunta Orrialde kopurua: 200 Ilustrazio kopurua: 110 (color)
30,00 € (BEZ barne)

Zerrendara itzuli