X

This website uses cookies, both the Museum's own and those of third parties, in order to gather statistical information regarding your browsing activities. If you continue to browse this site we will consider that you accept the use of cookies. You can change your preference or find out more. Accept

PRESENT DAY

08|01|21 Cinema in the museum II

 

Zinemaren historiak (II)

"Zikloak bueltatzen dira, urtaroak bezalaxe, baina ez dute antzik elkarren artean. Hobe esanda, ez dute antzik azalean, baina funtsezko indar berari erantzuten diote: zinemak proposatu dizkigun eta gure bizitzan zehar modu gutxi gorabehera sekretuan lagundu diguten istorio horiekin kontuak ateratzea. Gordardek bere Histoire(s) du cinéma-n esaten duen moduan, (oroitu Zinemaren Historiak-en lehen programan ikusi genuela) "zinema, kristautasuna bezala, ez da egia historiko batetik sortzen, kontakizun bat proposatzen digu, istorio bat, eta honako hau esaten digu: sinetsi, sinetsi gertatzen ari dena".

Horregatik, proposatzen dizuet hirietatik oihanera bueltatzeko bidaia batean laguntzeko. Kainen marka duten abokatu ustelen ibilbidea jarraituko dugu, edo antzerkiko eszenatokietan eta frisoetan bizitzeko modua bilatzen duten gazteena diruak gobernatutako mundu batean. Gure denboraren tarte txiki bat erabiliko dugu inauteri neurrigabe batean labirinto barrokoetatik galtzeko edo erreferentzia punturik ez duen basamortu bateko puntu ikertezinenetatik zaldiz ibiltzeko. Horrez gain, gustatuko litzaidake zuek gonbidatzea honako hau aitortzera: munduak, ordubete eta erdi ahaztezin batean, espien serie baten edo melodrama exotiko baten itxura hartu ahal duela, edo ipuin-kontalari paregabe baten nartzisismoa ospatu. Beste aukera bat da Yorkshire ingeleseko haize gogorrak suntsitu dituen eremuak Mexiko kolonialeko lurralde berotsuetan nola bilakatzen diren ikustea, eta tontorrak amildegien ordez aldatzea, edo konkistatzaileen kontra etengabeko borrokan ari den Ukrainia oparoko garitzak suntsitzen dituen suaren lekuko izatea.

Izan ere, ez dira beti tontorrik altuenetatik lortzen saririk handienak. Batzuetan, altuerarik baxuenetan lor ditzakegu. Jende gutxik bisitatzen dituen eremuak eta kasu batzuetan sekretuak diren obrak (oraindik ez da argitu maisulanak direla) ezagutzeko hamahiru saio proposatzen dizkizuet. Eta horiek guztiek honako adierazpen hau egiaztatu dute: zinemak gure begiei ematen die gure desioekin bat datorren mundua. Zinemaren Historiak  espazioaren eta denboraren aldaketa magikoaren ilustrazioa izan daiteke. Denbora hori ez da galtzen, bakarrik egonda ezagutu ezingo genukeen ezusteko sakontasun batean zabaltzen da". Santos Zunzunegui

 

Ordua

11.30 | Hitzaldia Santos Zunzuneguiren eskutik
12.00 | Proiekzioa

Lekua

Auditoriuma (gaur egungo edukiera: 71 besaulki). Maskara erabiltzea nahitaezkoa da, baita pertsonen arteko 1,5 metroko segurtasun distantzia betetzen bada ere.

Prezioak (kontrakoa zehazten ez bada)

Orokorra: 3,5 €
Museoaren Lagunak: 2 €
25 urtetik beherakoak: Doan

Hizkuntza

Jatorrizko bertsioa gaztelaniazko azpitituluekin