X

Webgune honetan, gure eta hirugarrenen cookieak erabiltzen ditugu, zure nabigazioari buruzko informazio estatistikoa biltzeko. Nabigatzen jarraitzen baduzu, euren erabilera onartzen duzula ulertuko dugu. Nahi izanez gero, lehentasunak alda ditzakezu edo informazio gehiago jaso ahal duzu. Ados nago

Hezkuntza

  1. Hasiera
  2. Hezkuntza
  3. Hezkuntza programak

Hezkuntza programak

Museoko Hezkuntza eta Kultur Ekintza Sailak (HKES) adin eta interes mota askotako jendeari zuzendutako jarduerak eta programak jartzen ditu abian. Ekimen horien helburu nagusia museoaren bilduma iraunkorra eta aldi baterako erakusketak hobeto ezagutzea da, bai eta horietaz gozatzea ere.

Gure ezagutzak museoetako hezkuntza-esparruetako beste profesional batzuekin konpartitzen ditugu, eta gure hezkuntza-proiektuan parte hartzen duen jendearen ekarpenak jasotzen ditugu. Azken helburua museoaren eta interes partikularren arteko bitartekaritza egokia lortzea da. Modu horretan sortuko liratekeen proposamenei esker, museoa ezagutzarako eta ikasketarako esperientzia baliagarriak sorraraziko lituzkeen lekua izango litzateke.

Haur eta Lehen Hezkuntza

2018ko urriaren 5ean, museoak 110 urte beteko ditu sortu zenetik, eta, ospatzeko, zenbait jarduera antolatuko ditugu. Horien artean, nabarmentzekoa da ABC. Bilboko Museoaren alfabetoa izeneko bilduma iraunkorraren aurkezpen berria. Alfabetoari jarraituz, eraikin zaharreko 31 aretoetako bakoitzak hitz baten inguruko lanak bilduko ditu, eta hitz hori gure inguruko hizkuntzetako batean egongo da: euskaraz, gaztelaniaz, frantsesez edo ingelesez.
Era berean, azaroaren 7tik aurrera, museoaren eraikin modernoan 68aren ostean. Artea eta praktika artistikoak Euskal Herrian, 1968-2018 izeneko aldi baterako erakusketa egongo da ikusgai. Horren bidez, azken berrogeita hamar urteetan gure inguruan sortutako artearen zati handi bat ezagutu ahalko dugu.
Horregatik, KEHSren ohiko hezkuntza-proposamen batzuk (Museoan zehar, Izaki fantastikoak, Animaliak museoan, Elikagaiak artean, Ezohiko ibilbideak, Europa Bilboko Arte Eder Museoan, Kontaktu ibilbidea, Sarrera ibilbidea eta Oinarrizko ibilbidea) ezingo dira 2018-2019 ikasturtean egin. Hala ere, gure bilduma iraunkorreko artelanen antolamendu berriarekin eta aldi baterako hurrengo erakusketarekin lotutako jarduera berriak egin ahalko dira.

  • Programa guztiek BBK Fundazioaren babesa dute.
  • Irakasleek edozein gai proposatu dezakete, berau lantzeko, eta Saileko profesionalak martxan jarriko dira.
  • Bisitak euskaraz, gaztelaniaz eta, batez ere, ingelesez egin daitezke.
  • Aldian-aldian, irakasleentzako prestakuntza-saioak antolatzen dira; bertan, aukeratutako jarduerari buruzko informazioa eta dokumentazioa eskaintzen da, eta, taldearen gidaria irakaslea izango bada, bisita modu egokian egiteko ildoak eta metodologiak eskaintzen dira.

Edozein zalantza argitzeko edo informazioa eskatzeko, deitu 94 439 61 41 telefono zenbakira (astelehenetik ostiralera 8.00etatik 15.00etara).

  • Koloretako museoa - 1

    Koloretako museoa - 1

    Ez dago museoa baino leku hoberik, Haur Hezkuntzako eta Lehen Hezkuntzako lehenengo zikloko ikasleek koloreekin harreman zuzena izan eta esperimentatu dezaten. Gainera, gauza gutxiren bitartez bideratu daitezke ideiak, emozioak eta sentimenduak, kolorearekin bezain modu atsegin eta naturalean.

    Tarifa: dohain

    Informazio gehiago, materialen ikuskatzea eta deskarga:

  • Koloretako museoa - 2

    Koloretako museoa - 2

    Lehen Hezkuntzako bigarren eta hirugarren zikloko ikasleek aukera izango dute koloreen munduan murgiltzeko. Zortzi margolanen bidez, gainerako ikaskideekin partekatu ahalko dituzten mundu desberdinak irudikatu, eta sentsazio berriak ezagutuko dituzte.

    Tarifa: dohain

    Informazio gehiago, materialen ikuskatzea eta deskarga:

  • ABC. Bilboko Museoaren alfabetoa

    ABC. Bilboko Museoaren alfabetoa

    Museoa alfabeto harrigarri bilakatuko da Lehen Hezkuntzako hirugarren zikloko ikasleentzat. Museoko hezitzaileen laguntzarekin, bildumako artelanak ikusteko bisitak proposatzen dira, eta ikuspuntu literario batetik azalduko dira. Hizpide izango ditugun gaiek artearekiko eta museoarekiko harreman desberdina eta pertsonalagoa aurkitzen lagunduko digute.

    Tarifa: 1€ ikasleko

    Informazio gehiago, materialen ikuskatzea eta deskarga:

  • Ura Museoan

    Ura Museoan

    CEIDAren menpeko Eskola Agenda 21 programari lotutako ibilbidea da, eta ingurumenaren eta garapen iraunkorraren heziketa hobetzeko asmoz sortu da. Lehen Hezkuntzako bigarren eta hirugarren zikloetako ikasleek urak gure bizitzan daukan presentzia eta garrantzia ikusi ahal izango dute, Museoko hezitzaile batekin gure bildumako lanik nagusienetatik egingo duten bisita azalduari esker. Gure saileko hezitzaileek lagunduta burutzen da ekitaldi hau, eta martxan jarriko dugu.

    Tarifa: 1€ ikasleko

    Informazio gehiago, materialen ikuskatzea eta deskarga:

Babeslea:
bbk

DBH, LH eta Batxilergo

2018ko urriaren 5ean, museoak 110 urte beteko ditu sortu zenetik, eta, ospatzeko, zenbait jarduera antolatuko ditugu. Horien artean, nabarmentzekoa da ABC. Bilboko Museoaren alfabetoa izeneko bilduma iraunkorraren aurkezpen berria. Alfabetoari jarraituz, eraikin zaharreko 31 aretoetako bakoitzak hitz baten inguruko lanak bilduko ditu, eta hitz hori gure inguruko hizkuntzetako batean egongo da: euskaraz, gaztelaniaz, frantsesez edo ingelesez.
Era berean, azaroaren 7tik aurrera, museoaren eraikin modernoan 68aren ostean. Artea eta praktika artistikoak Euskal Herrian, 1968-2018 izeneko aldi baterako erakusketa egongo da ikusgai. Horren bidez, azken berrogeita hamar urteetan gure inguruan sortutako artearen zati handi bat ezagutu ahalko dugu.
Horregatik, KEHSren ohiko hezkuntza-proposamen batzuk (Museoan zehar, Izaki fantastikoak, Animaliak museoan, Elikagaiak artean, Ezohiko ibilbideak, Europa Bilboko Arte Eder Museoan, Kontaktu ibilbidea, Sarrera ibilbidea eta Oinarrizko ibilbidea) ezingo dira 2018-2019 ikasturtean egin. Hala ere, gure bilduma iraunkorreko artelanen antolamendu berriarekin eta aldi baterako hurrengo erakusketarekin lotutako jarduera berriak egin ahalko dira.

  • Programa guztiek BBK Fundazioaren babesa dute.
  • Irakasleek edozein gai proposatu dezakete, berau lantzeko, eta Saileko profesionalak martxan jarriko dira.
  • Bisitak euskaraz, gaztelaniaz eta, batez ere, ingelesez egin daitezke.
  • Aldian-aldian, irakasleentzako prestakuntza-saioak antolatzen dira; bertan, aukeratutako jarduerari buruzko informazioa eta dokumentazioa eskaintzen da, eta, taldearen gidaria irakaslea izango bada, bisita modu egokian egiteko ildoak eta metodologiak eskaintzen dira.

Edozein zalantza argitzeko edo informazioa eskatzeko, deitu 94 439 61 41 telefono zenbakira (astelehenetik ostiralera 8.00etatik 15.00etara).

  • Alfabetoaren irrati-ipuinak

    Alfabetoaren irrati-ipuinak

    Radio Bilbao-Cadena SER eta museoak irrati-ipuinen lehiaketa antolatu dute Kirmen Uribek bilduma berrantolatzeko erabilitako alfabetoa gaitzat hartuta. Astero, alfabeto horretako oinarrizko hitz bat izango da istorioaren abiapuntua, eta dagokion aretoko obraren baten erreferentziaren bat ere izan beharko du.

    Parte hartzeko bi maila daude: gazteak (13-25 urte) eta seniorrak (25 urtetik gorakoak). Kontakizunek 100 bat hitz izango dituzte, eta euskaraz nahiz gaztelaniaz idatz daitezke. Azul Tejerinaren Hoy por Hoy Bilbao saioan emango da irabazleen berri, eta irrati-ipuin finalistak ere emango dira. Lehiaketaren oinarriak museoaren eta Radio Bilbao-Cadena SER katearen webguneetan daude ikusgai.

    Lehiaketaren baseak hemen deskarga daitezke.
    18 urtetik beherakoek baimen hau bete beharko dute.
    Letra-multzoen asteko egutegia kontsultatu.

    Informazioa: Hezkuntza eta Kultur Ekintza Saila - Tel. 94 439 61 41 (astelehenetik ostiralera, 09:00etatik 15:00etara)

  • ABC. Bilboko Museoaren alfabetoa

    ABC. Bilboko Museoaren alfabetoa

    Museoa alfabeto harrigarri bilakatuko da DBHko, LHko eta Batxilergoko ikasleentzat. Museoko hezitzaileen laguntzarekin, bildumako artelanak ikusteko bisitak proposatzen dira, eta ikuspuntu berri batetik azalduko dira. Hizpide izango ditugun gaiek artearekiko eta museoarekiko harreman desberdina eta pertsonalagoa aurkitzen lagunduko digute.

    Tarifa: 1€ ikasleko

  • Begirada gurutzatuak

    Begirada gurutzatuak

    ABC. Bilboko Museoaren alfabetoa aldi baterako erakusketari esker, museoko lanen aurkezpen berri honek proposamen berri bat osatu du. Proposamen horren bitartez, DBHko bigarren zikloko, LHko eta Batxilergoko ikasleek beste era bateko harremana edukiko dute artelanekin, gaur egungo artistek diseinatutako bestelako esperientzia sortzaileen bitartez. Hainbat esanahi hartzen dituzten hitzen eta jarduera sortzaileen bitartez, artearekin eta museoarekin elkarrizketa berri eta ireki bat eduki dezaten bultzatzea da azken helburua.

    Goiz batean egingo da jarduera, eta lau orduko iraupena izango du.

    EGUNAK:
    • 2018ko azaroaren 12, 13, 14 eta 15ean (artistak: Naiara Palacios eta Silvia Manzana)
    • 2018ko abenduaren 10, 11, 12 eta13an (artista: Mertxe Périz eta Ibón Garagarza)
    • 2019ko apirilaren 3, 4, 9 eta 10ean (artistak: Susana Talayero eta Manu Uranga)
    • 2019ko maiatzaren 13, 14, 15 eta 16an (artistak: Lorea Alfaro eta Jon Otamendi)

    Tarifa: 2€ ikasleko

  • 68aren ostean. Artea eta praktika artistikoak Euskal Herrian, 1968-2018

    68aren ostean. Artea eta praktika artistikoak Euskal Herrian, 1968-2018

    Euskal Herriko praktika artistikoek azken berrogeita hamar urteetan hartu dituzten bide nagusietako batzuk eta horien testuinguruak ezagutzea nahiz horiei buruz eztabaidatzea da erakusketa honetarako proposatutako bisiten helburu nagusia. Horietan, hezitzaileek azalpenak emango dituzte, eta DBHko, LHko eta Batxilergoko ikasleek parte hartu ahalko dute.

    Tarifa: 1€ ikasleko

  • Berrerabili ditzagun hondakinak!

    Berrerabili ditzagun hondakinak!

    CEIDAren menpeko Eskola Agenda 21 programari lotutako ibilbidea da, eta ingurumenaren eta garapen iraunkorraren heziketa hobetzeko asmoz sortu da. DBH, LH eta Batxilergoko ikasleek materialen berrerabilpenari buruz hausnartzeko eta eztabaidatzeko aukera izango dute; hain zuzen ere, erabilera jakin baterako sortutako material asko artean zelan berrerabili daitezkeen aztertuko dute, bai eta berrerabilitako material horiek Museoko artelan batzuetan eman dituzten emaitzak ere. Gure saileko hezitzaileek lagunduta burutzen da ekitaldi hau, eta 2019ko martxotik maiatzera martxan jarriko dugu.

    Tarifa: 1€ ikasleko

Babeslea:
bbk

Irakasleen prestakuntza

Artea punta-puntako hezkuntza-baliabide gisa ulertzen dugu. Horren bitartez, pertsonek euren gaitasunak garatzen dituzte, inguruan dugunari buruzko espiritua eta azterketa kritikoa sustatuz. Azken batean, zerbait funtsezkoa da, pertsona gisa oso-osorik bilakatu ahal izateko.

Hori dela eta, museoak proposatzen dituen hezkuntza-programa gehienekin batera, irakasleei zuzendutako prestakuntza-saioak ere eskaintzen dira, informazioa eta dokumentazioa emateko eta, hala beharko balitz, bisitak gidatzeko gaitasuna emateko. Bisitaren batean irakaslea izango bada taldearen gidari, guztiz beharrezkoa da dagokion prestakuntza-saiora joatea, esperientzia arrakastatsua izan dadin.

Edozein zalantza argitzeko edo informazioa eskatzeko, deitu 94 439 61 41 telefono zenbakira (astelehenetik ostiralera 8.00etatik 15.00etara).

Helduentzako programak

Prestakuntza-programetan ari diren irakasle eta helduei zuzenduta, eta, betiere, museoko hezitzaile baten laguntzarekin, programa hauek erakusketak bisitatzeko eta artelanak aztertzeko aukera ematen dute.

Edozein zalantza argitzeko edo informazioa eskatzeko, deitu 94 439 61 41 telefono zenbakira (astelehenetik ostiralera 8.00etatik 15.00etara).

  • ABC. Bilboko Museoaren alfabetoa

    ABC. Bilboko Museoaren alfabetoa

    Museoa alfabeto harrigarri bilakatuko da prestakuntza-programetako helduentzat eta kulturan interesa duten taldeentzat. Museoko hezitzaileen laguntzarekin, bildumako artelanak ikusteko bisitak proposatzen dira, eta ikuspuntu berri batetik azalduko dira. Hizpide izango ditugun gaiek artearekiko eta museoarekiko harreman desberdina eta pertsonalagoa aurkitzen lagunduko digute.

    Tarifa: 1€ pertsona bakoitzeko

  • 68AREN OSTEAN. ARTEA ETA PRAKTIKA ARTISTIKOAK EUSKAL HERRIAN, 1968-2018

    68AREN OSTEAN. ARTEA ETA PRAKTIKA ARTISTIKOAK EUSKAL HERRIAN, 1968-2018

    Euskal Herriko praktika artistikoek azken berrogeita hamar urteetan hartu dituzten bide nagusietako batzuk eta horien testuinguruak ezagutzea nahiz horiei buruz eztabaidatzea da erakusketa honetarako proposatutako bisiten helburu nagusia. Horietan, hezitzaileek azalpenak emango dituzte, eta prestakuntza-programetako helduek eta kulturan interesa duten taldeek parte hartu ahalko dute.

    Tarifa: 1€ pertsona bakoitzeko

Babeslea:
bbk

60 urtetik gorakoentzako programak

Museoa artea ezagutzen eta horretaz gozatzen jarraitzeko leku gisa irudikatzen lagunduko duten proposamenak gauzatzeko ideia da gure motibazioaren iturria.

Denboran aurrera egin ahala eskuratutako ezagutzak eta esperientziak partekatzeko espazio bat aurkitu ahal izango dute interesdunek.

Museoaren bilduma iraunkorraren eta bertako aldi baterako erakusketen inguruko askotariko jarduerak sortzea da azken xedea, 60 urtetik gorako pertsonen banakako beharrizanetara egokitzeko, elkarren arteko elkarrizketa sustatzeko, euren gogoratzeko gaitasuna sendotzeko eta haien bizi-kalitatea hobetzeko.

Edozein zalantza argitzeko edo informazioa eskatzeko, deitu 94 439 61 41 telefono zenbakira (astelehenetik ostiralera 8.00etatik 15.00etara).

  • ABC. Bilboko museoaren alfabetoa erakusketa: kafe-solasaldia 60 urtetik gorakoentzat

    ABC. Bilboko museoaren alfabetoa erakusketa: kafe-solasaldia 60 urtetik gorakoentzat

    Museoak aukera ematen du erakusketa bisitatzeko eta parte-hartzaileen interesetara egokitutako jarduera berezi batean parte hartzeko. Erakusketaren gaiaren hariari jarraituz, hainbat gai proposatuko dira erakusketak irauten duen bitartean. Gai horien bitartez, sakonago landuko dira artelanak, eta bestelako ikuspegi bat eskainiko da, hitza eta hautatutako lanen edukia beraien mundura, interesetara eta egunerokotasunera hurbiltzeko aukera emango duena. Ondoren, solasaldi bat egongo da, kafe bat hartuz elkarri iritziak adierazteko.

    EGUNAK:
    • Urriaren 26an: ISPILUAREN AURREAN
    • Azaroaren 9an: EMAKUMEAK
    • Azaroaren 23an: ESKULTURA: GORPUTZA ETA ESPAZIOA
    • Abenduaren 14an: BERRIRAKURKETAK

    Ordutegia: 17.00etatik 19.00etara

    Tarifa: 4 € pertsonako

  • Istorioak elkarlotzen

    Istorioak elkarlotzen

    60 urte baino gehiago dituzu? Gure museoa modu desberdinean bisitatu nahiko zenuke? Har ezazu parte zuretzat bereziki prestatutako egitarauan!

    Jarduera lau saiotan garatuko da. Museoaren hainbat obra ezagutuko ditugu: zuntz edo ehun-materialez egindakoak, edo ehunak mintzagai dituztenak. Elkarrizketa pertsonal eta irekiaren bitartez, esperientziekin, bizipenekin eta norberaren oroitzapenekin obren gaineko iruzkinak aberastu egiten direla ikusiko dugu. Kultura-baliabide oparo horiek, museoaren artelanekin batera, pertsona bakoitzaren iragana, lekua eta oraina “ehotzeko” erabili ahalko ditugu.

    EGUNAK:
     • Urriaren 24an
    • Azaroaren 7 eta 21ean
    • Abenduaren 12an

    • Tarifa: 2€ pertsonako

  • 68AREN OSTEAN. ARTEA ETA PRAKTIKA ARTISTIKOAK EUSKAL HERRIAN, 1968-2018. OROITZAPEN PARTEKATUAK

    68AREN OSTEAN. ARTEA ETA PRAKTIKA ARTISTIKOAK EUSKAL HERRIAN, 1968-2018. OROITZAPEN PARTEKATUAK

    Jardueraren helburu nagusia da azken berrogeita hamar urteotan Euskal Herriko jokabide artistikoek hartu dituzten bide nagusiak zeintzuk izan diren eta zein testuingurutan gertatu diren ezagutzea eta horren inguruko eztabaida egitea. Parte hartzeko ibilbide bat proposatuko da, taldeko kide bakoitzaren ezaugarri eta beharrizanetara egokitua. Gainera, "Landa-egunerokoa" sortuko dugu, museoan bizi izandako esperientzia jasotzeko. Horri esker, parte-hartzaile bakoitzaren istorio, anekdota eta bizipenekin, norberaren gaitasun poetiko, sentibera eta sortzaileak duen balioa azpimarratuko da.

    Proposamen hau 2019ko martxoan garatuko da.

    Tarifa: 4€ pertsonako

Babeslea:
bbk

Familiak

Bilboko Arte Ederren Museoak espazio ireki, atsegin eta parte-hartzailea izan nahi du; bertan, familiek zenbait proposamen aurkituko dituzte, jarduera berean batera parte hartu ahal izateko.

Sailaren albisteak zure postan jasotzeko aukera duzu. Izena eman gure newsletter-ean hemen.

 

Maiatza-Ekaina 2019 Programa


Jarduera berriak ikusgai izango dira hurrengo aprilaren 26tik aurrera. Erreserbak egiteko epea apirilaren 29an (astelehena) hasiko da gure webgunean 9.00etan.

• Lau pertsona gehienez inskripzio bakoitzean. Haurrek helduren batekin lagunduta beti joan behar dute.
• Plazen adjudikazioa zuzenean egiten da guztiak bete arte, eta izena eman dutenek konfirmazio e-mail bat jasoko dute.
• Saio bakoitzeko gehienezko plaza-kopurua 18 pertsonakoa da, haurrak eta helduak aintzat hartuta, eta gutxieneko kopurua 8 pertsonakoa da. Ezarritako gutxieneko kopurua iritsi ezean, museoak eskubidea dauka jarduera ez egiteko eta erreserbaren kostua itzuliko du.
• Ekitaldien zerrenda noizbehinka kontsultatzea animatzen zaituztegu bajaren bat baldin badago jakiteko.

• Inskripzioak egin daitezke dagoeneko web orrialdean soilik eta tarifa bat dute. Tarifak erreserba berdineko pertsona guztiei aplikatzen zaie.

Akatsa edo uko egiterik, edo ez asistentziarik egotekotan, diru-itzultzerako eskubiderik ez da egongo.

    - Tarifa Orokorra: 4€ pertsona bakoitzeko (haurrak eta helduak)
    - Tarifa Murriztua: 2€ Museoaren Lagunak edo Gaztedi Planaren barne bazarete

• Ezin da bertaratu talde bakoitzarentzat ezarritako adina ez duten haurrekin.
• 0 taldearen barruan bi jarduera ezberdinak daude: 1 eta 2, eta 3 eta 4 urte bitarteko haurrentzat.



Grupos de edad

  • Zentzumen guztiekin

    Zentzumen guztiekin

    Zentzumen-jarduera sinestezinen eta dibertsioaren bidez, leku magiko bat sortuko dugu, esperientzia estimulatzaileak gogotsu bizi ditzazuen.

    Gazt ‐ 2019/06/22 ‐ 11.00etan ‐ 0. Taldea (3-4 urte bitartean)
    Gazt ‐ 2019/06/22 ‐ 17.00etan ‐ 0. Taldea (3-4 urte bitartean)

    Eusk ‐ 2019/06/23 ‐ 11.00etan ‐ 0. Taldea (3-4 urte bitartean)
    Eusk ‐ 2019/06/23 ‐ 17.00etan ‐ 0. Taldea (3-4 urte bitartean)

    Erreserbatu plaza

  • Umeentzako audiogidak

    Umeentzako audiogidak

    10 artelan, 10 kontakizun. Bereziki haurrentzat pentsatuta, audiogida hauek museoaren bildumako 10 artelanetan ezkutatutako kontakizun harrigarriak proposatzen dituzte. Zuen seme-alabek lagunduta, gehien interesatzen zaizuen artelana eta zuen beharrizanekin bat datorren ibilbidea aukeratu ahal izango duzue.

Babeslea:
bbk

Premia bereziak dituzten pertsonak

iberdrola

Ikusmen edo kognizio arazoak dituzten pertsonei edo gizarteratze programetan daudenei museoaren bilduma ezagutzeko aukera ematen diegu.


Ikusmen arazoak dituzten pertsonak

Ikusmen urritasuna duten pertsonei aukera eskaintzen zaie museoaren bilduma ezagutzeko; lehenengo eta behin, museoaren aretoetatik egiten den ordubeteko ibilbidearen bitartez; eta, bigarrenik, esperimentazio-espazio batean lan eginez. Aipatutako espazio horretan, zenbait material eta teknika artistiko eta bildumako lau eskultura ukitzeko aukera ematen da, neurriarekin, formarekin, egiturarekin eta materialarekin erlazionatutako arloak aztertzeko.

Kognizio arazoak dituzten pertsonak

Azaldutako bisiten programak museorako hurbilketa planteatzen du, talde bakoitzaren beharrizan eta interesetara egokituta. Modu horretan, minusbaliotasun intelektuala duten pertsonei gainerako guztien baliabide, espazio eta zerbitzu berberak eskaintzen zaizkie. Gainera, modu honetan, bisitak tresna erabilgarri bihurtu nahi dira euren egunerokotasunean eta eurekin lan egiten duten profesionalengan, eta esperientzia atsegin eta esanguratsua eskaini nahi zaie denei.

Gizarteratze programetan dauden pertsonak

Gizarteratze programetan dauden pertsonentzat, museoaren bilduma iraunkorraren eta aldi baterako erakusketen bisitak diseinatu dira, eta, horrela, museoko hezitzaile batekin batera, euren interes eta itxaropenetara egokitutako metodologiadun bisitak egin ditzakete.


Edozein zalantza argitzeko edo informazioa eskatzeko, deitu 94 439 61 41 telefono zenbakira (astelehenetik ostiralera 8.00etatik 15.00etara).

  • Ukitzeko artea

    Ukitzeko artea

    Pertsona itsuei zuzendutako proiektu berritzailea.

    Besteak beste, honakoak dira helburuak: batetik, irisgarritasuna zabaltzea gero eta ugariagoa den publikoaren artean, eta, bestetik, horren garapena sustatzea, hezkuntza-tresna moduan artea erabiltzen duten jarduerekin. Horretarako, museoaren bilduma iraunkorreko sei artelanen ukimen-hurbilpena eta esperimentazio-tailerra proposatzen dira, ikusteko urritasuna dutenei nahiz esperientzia artistiko desberdina bizitzeko interesa dutenei zuzenduta.

    Ikusmen aldetik desgaituak diren pertsonei artelanak ezagutzeko aukera ematen dien teknika aitzindari bati esker, museoko bilduma iraunkorreko maisulanetatik aukeratutako sei koadrok hezkuntza arloko proposamen berria osatzen dute, margolanak ukimenaren bitartez ezagutu ahal izateko. Teknika hau gai da irudi lauetan testurak eta erliebea jartzeko. Bereizmen handiko argazkiekin gauzatzen da, horiei ehundurak eta bolumenak emanez, Estudios Durero estudioen Didú izeneko teknika erabiliz.

    Erakusketa hau osatzen duten sei erreprodukzioek bidaia egingo dute hainbat hezkuntza-zentro eta udalerritan zehar. Xede horrekin, hezkuntza-proposamena garatuko da: hezitzaileak erakusketarako ukimen-hurbilpena ahalbidetuko du, parte-hartzaileen iritziak elkarrizketa bidez amankomunean jarrita, eta, horretarako, laguntza-tresnak eta ukimen-materialak erabilita.
    Esperientzia hori bizitzeko interesa duen hezkuntza-zentro orok eskatu ahalko du erakusketa ibiltarian parte hartzea. Lehentasuna izango dute Ikusteko Urritasuna duten Ikasleentzako Baliabidetegiarekin (IBT) lotura duten Bizkaiko zentroek.

    Iraupena: astebete, zentro edo udalerri bakoitzean.
    Tarifa: dohain

  • ABC. Bilboko Museoaren alfabetoa

    ABC. Bilboko Museoaren alfabetoa

    Museoa alfabeto harrigarri bilakatuko da behar bereziak dituzten pertsonentzat. Museoko hezitzaileen laguntzarekin, bildumako artelanak ikusteko bisitak proposatzen dira, eta ikuspuntu berri batetik azalduko dira. Hizpide izango ditugun gaiek artearekiko eta museoarekiko harreman desberdina eta pertsonalagoa aurkitzen lagunduko digute.

    Tarifa: 1€ pertsona bakoitzeko

  • 68aren ostean. Artea eta praktika artistikoak Euskal Herrian, 1968-2018

    68aren ostean. Artea eta praktika artistikoak Euskal Herrian, 1968-2018

    Museoko hezitzaileek zuzenduko dituzte bisitak, eta azalpenak emango dituzte, hizkuntza hurbila eta motibatzailea erabilita. Hala, helburua da guztion artean Euskal Herriko azken berrogeita hamar urteetako praktika artistiko nagusiak ezagutzea eta horietaz gozatzea.

    Tarifa: 1€ pertsona bakoitzeko

  • Guztion museoa

    Guztion museoa

    Behar bereziak dituzten eta gizarte-bazterketako arriskuan dauden pertsonen taldeek museoaz goza dezakete, sormenezko psikoterapiak aplikatzen espezializatuta dagoen pertsona baten laguntzarekin. Helburua da museoa garapen pertsonal eta emozionala bultzatzeko sormenezko jarduerak egiteko lekua izatea. Halaber, lortu nahi dugu artelanak geure buruarekin eta gainerakoekin hobeto egoten lagunduko diguten tresnak izatea.

    Programak hainbat saio ditu ikasturtean zehar.

    Tarifa: 1 € pertsona bakoitzeko

  • Bertso bat hegan egiteko

    Bertso bat hegan egiteko

    Bertso bat hegan egiteko jardueran, poesiaz baliatuko gara hitzaren bitartez gure emozioei hegan egiten uzteko. Bazterketa-egoeran dauden gazteekin edo egokitzeko eta/edo gizarteratzeko zailtasunak dituzten gazteekin jarduten duten erakundeek eta taldeek parte hartuko dute jarduera honetan. Bertan, ibilbide bat proposatzen da museoan barrena, zeinetan artelanak bestelako ikuspegi baten bitartez landuko diren eta aukera emango den hitza eta hautatutako lanak gazte bakoitzaren kezka eta interesetara hurbiltzeko. Taldeko komunikazioa eta parte-hartzea, iritzi kritikoa eta idazketaren bitartez gauzak adierazteko borondatea bultzatu nahi duten proposamenetan parte hartzera bultzatzea da helburua. Ikasturtean zehar hainbat saiotan osatuko da programa.

    Tarifa: 1 € pertsona bakoitzeko

  • Hitzak joan-etorrian

    Hitzak joan-etorrian

    Gizartean bazterturik gelditzeko arriskuan dauden emakume taldeei zuzendua, jarduera honek hainbat dinamika parte-hartzailetan barneratzeko gonbita egiten die, hitza bihurtuz hainbat artista garaikideren lanak ezagutzeko gidari. Parte-hartzaileen beraien hitza, gorputza eta bizipenak izango dira esanahi berriak sortzeko tresnak. Hitzek, halaber, komunikatzeko, elkarrizketarako, norberaren sormenerako uneak eskainiko dizkie, bai eta entzute aktiborako eta arteaz taldean gozatzeko bide berriak ere.

    Ikasturtean zehar hainbat saiotan osatuko da programa.


    Tarifa: 1 € pertsona bakoitzeko